搬屋

因為新Blog我遲遲都未轉到, 而且近來舊blog都傻傻地, 所以把心一橫, 開咗個新 blog。
地址係 : http://k-all.blogspot.com

^_^

新爽雞~~

其實, 買咗部相機都成個禮拜, 一路都想寫返篇日記, 只係.......懶 ^_^

話說, 綿綿生日既時候, 我借左傻仔K部相機去海浪公園, 點之我.....唔見左部野 -_-"
當然係陪返比人啦要, 之後, 我地諗住10.18去動植物公園, 唉....唔通又問人借咩....
咁我就開始左我既買爽雞大計喇~

睇左好多間, 亦諗左好耐, 因為我原本係想買 LX-1的 (價錢平d), 但因為冇哂貨又唔會再出 (有一點執著的...我要黑色!!!) ..... 搵來搵去......都冇 T_T 咁只好諗 LX-2 了.....
咁講下講下~~ 原來小白又想買喎~~ 佢見我同傻仔K去睇, 所以就相約一齊去喇~
我地水貨又睇行貨又睇~~ 呢度搵~~ o個度搵~~ 最終都係決定買行貨, 因為行貨價錢同水貨差唔遠 (我係月供的, 水貨要收change 6% @_@"), 而且我地仲買咗3部(一人一部) @_@ 因為傻仔K見我地買得咁開心, 佢又一齊買, 哈哈~~~
最開心係, 我地夾咗好多野喎~~ ^_^

．原廠相機袋
．2.5吋螢幕保護貼
．panasonic 1G SD咭
．Card Reader
．new balance T-SHIRT
．new balance 電話繩
．相機用的電池
．相機用腳架
．Pizza Hut 美食優惠 Tickets

哇哈哈~~~~





後記:
買左之後同小綿有點小風波, 好彩最後都冇事 ^_^"
人總有心頭好的, 你有, 我都有, 但都要諗過先好做, 如果影響到人而又唔開心既, 做咗都好冇謂呀~ 係咪 ? ^_^

信教喎~~

琴日睇左人D野，入面寫o左一D野......

話說係一個基x教人士, 佢講左一大段野，大致都係佢同另一個人講話佢做得唔夠 or 唔了解神既意思 ...... 叫佢要再誠心D，了解神o既旨意......最後仲引用左D經文.....

我同朋友KEN睇完大笑左一陣，佢講左一個比喻 :

人 : 「神呀! 我好肚餓，可以比個麵包我嗎? 我快頂唔住了.....」

神: 「好，但係我唔會而家比你，你信我嗎? 我一定會比你的，而用咩方式、幾時比你，我唔會話你知，但你一定會知，如果你唔知，咁你一定係唔夠誠心，或者你唔了解我既旨意。」

人 : 「但神呀! 我真係好肚餓，我快頂唔住了.....」

神 :「首先你做左奉獻先，將你十分一身家比我，使我家有糧，試下係咪真係你奉獻左~我就會開 天上的窗戶、傾福與你丫? 麵包我一定會比你的.....」


本人睇完真係想死，都唔知咩教來既
唉....雖然話人人有自由....但見住個朋友( 我諗都可以叫朋友掛) 一路咁落去真係.....唉......
希望綿綿唔好信教信到變成咁就好了 -_-"

拖左幾年....

星期六一早去左睇牙醫,其實好應該一早要睇的了....

話說係咁既, o係好多年前(唔記得幾耐了~_~"), 我牙痛到要杜牙根....點之杜完之後都未去補返姐, 佢就斷左@_@"...之後我又懶得去整....咁就過左N年了....到我上次又另一隻牙痛(我諗最小兩年前了), 去睇醫生, 個醫生一睇到我o個隻斷牙, 就話唔整唔得喎, 可能會細菌感染, 附近o個d都可能會注....我問醫生要點呀? 佢話要開刀剝左佢, 再整返隻假牙...成$4-5000(只係假牙都..... @_@)我一聽,再諗, 我都咁多年啦, 有事都唔係而家先有啦, 唔整lu, 咁貴, 冇錢呀!!

之後, 去到上星期六, 阿娘話個同事識個牙醫既, 又平又好手勢, 咁咪去囉, 一去到睇到, 而.....
唔係醫務所來既, 係住宅 @_@" 心知係冇牌的了, 但好在係熟人一齊去, 阿娘又要整....唔怕既(掛....)

個醫生一開頭幫我睇完, 就話, 你唔整都得架喎, 唔一到要整...... @_@" 兩個醫生講既完全唔同( 一個為錢....一個係朋友熟人....) 之後整整整.....剝左好耐....原來醫生話我隻牙咁耐, 梅左....一鉗就斷, 好唔受力, 但佢又唔想我開刀辛苦 (真好人 ^_^) 所以慢慢幫我整, 再補多兩隻牙, 加阿娘兩隻, 都係 $3000......好平呢.......

返到屋企先開始痛 >_<
冇計....要等成個幾月先可以整返隻假牙.....

牙痛慘過大病....又一次睇驗到了........

真係唔明!

前幾日有D事...

話說係咁，綿綿公司的同事A知度左外面區份加左人工，人人$500，只有佢地呢區冇加喎，咁就一定興啦~ 咁佢就話左比佢地區既大秘書知，大秘書立刻做野，CALL左區董, 叫齊所有ADMIN約佢出來傾，我以為咁好，終於肯一齊出下聲，點知真正出來傾o個日，個個都唔多出聲，只係食同笑....區董就遊花園，只有綿綿一個出聲同個十九區董講.....之後佢地仲覺得綿綿做咩咁"激"

我真係覺得好奇怪，大佬呀!!叫人出來開個咁既會既又係你地，出到來唔多出聲既又係你地，人地出聲又話人地激，其實你地想點架？叫條十九出來開會為乜架？為餐食？為左開P？為左船河？叫得人出來唔講不如唔好叫，唔通一心只係諗住比佢知你地知外區有人工加你地冇，咁會叻D？？？

我都知傾都未必有用，但都唔係咁架下話，唔敢講既就咪叫人出來傾啦 ~_~"
唔明！真係唔明！

今日仲好笑，又話聽到外區有人加左$1000，今次就話要成班ADMIN一齊開會喎，唉....比我有上次既經曆...我一定唔去.....去來做咩？

可能我蠢，但我真係諗唔明佢地用意為何？
一係一開始就自己圍內傾完，發洩左當打左小人就算啦，奇哉怪也！

多感襲腦

看到此圖的時候,有很多感覺,最先係古代建築之偉大,之後想...人命真的不值錢...古代如此,現在如是,有錢,冇錢,天壤之別(當然都可以好開心咁生活,視乎點睇事物 ^_^"),而係覺得有錢的人命才是命...人...真的很眇小,真想看多點個世界,希望小d爭吵啦(個世界) ^_^

萬惡既源頭

呢排用左都幾多錢 ~_~"

事源係咁既 :
買電腦 $4450 ;
父母節 約$700 ;
父母生日 $400(算便宜 ^_^);
睇醫生 $1450;
雜費 約$300;
公司Ram $350(唔買做野會慢死 ^_^);

總開支 約7650 ^_^"
好在有 D freelance仔做下, 都仲頂得住...

之後今日一計, 如果唔係好大使,都冇咩問題既 (呼~ ^_^")
省d~~ 省d~~ (發功中)

LAYOUT 王 @_@!

就快轉工,冇錯,又轉工...
但都係做 Design,只係轉公司姐,而且今次都係返番舊公司,始終覺得同佢地夾d ^_^

唔知係咪就快轉工關係,而家公司係咁比新 Design 我做 Layout ~_~"
個多星期做左好多好多 Layout...雖然都係我既工作,但都唔係咁開心,做完比人,又唔知之後點,之後又唔係自己做,做唔做到自己 Protfolio 都唔知 ~_~" 只係係咁倒 Layout, 再加上自己o既 Freelance, 新公司o既 job(都係layout)... 真係做左 LAYOUT 王 !!!!

做多一日就離開而家呢間公司了,其實都好多謝而家個老細比返我入行,話哂我走左去做地產一年,佢都請喎 @_@" 但人係望高處既,新公司人工高小小,星期六又唔使返,又早d收工,又近我屋企多d...咁...冇乜理由唔轉呢 ^_^"

從同事口中知道,原來而家老細以為我自己出面開公司,唔想左我發展喎@_@"佢估錯喇,我真係轉公司姐,哇哈哈~~ 可能佢聽到我同 Freelance個客傾野啦,所以有此奇想...(開公司...我都想...一向係我目標 ^_^")

要數最勁既係.....傻仔Ken幫我搵到網上睇世界杯!!!! 唔使錢又唔使同人迫呀~~~ 正呀!!!
只係唔係好清, 但都好正啦!!! 唔使錢喎~~~ yeah~~~~~ 哇哈哈~~~~

自家地圖

比錢勞動日

08:30 起身
09:00 早餐
10:00 抵達綿綿屋企, 開工搬遷傢私
12:00 完事, 沖身訓一陣
14:30 起身食老麥
15:30 返抵自家
16:30 深水埗買電腦, 用左好多錢 ~_~"
19:45 返抵自家, 裝電腦
About 01:00 訓 ~_~"

以上就係我星期日既行程, 而家...好攰,好攰...
但好在我有來幫手, 唔係佢兩個女人仔加一個小朋友(其實都中四了,但感覺上弱不禁風),都真係唔知佢地點搬 ~_~" 有車仔都死, 因為我搬完今日隻手都有d痛

去到高登, 格左好耐講左好耐價,最後都係用左好多錢錢(其實比我預計已經小左), 而家...好痛,好痛...個心
為左用來搵錢, 唔買又唔得, 但...見住d錢一下子比左人...嗚~~~
未見官先打八十, 應該可以咁用了

如常的一天

每個人都是自私的, 總想沒事做一個人發呆時, 伴侶會在自己身邊說些開心的。

但. 有否想過, 可能你的伴侶正在做自己的事正在忙呢?
我在那時總會想, 為什麼你不理我呢 ?

但. 想深一層, 自己要工作或做私人事時, 何常不想一個人靜靜, 好好處理 ?

所以有時相反想想, 可能會明白為什麼。
不是不關心你, 只係自己要求多了吧...
深信, 要是真有需要時, 他/她一定願意放開一切, 伴在你身邊的。

那麼, 倒不如多關心, 小要求, 可能自己會更開心

無知

連日來睇左幾樣野, 發覺而家電腦或是網頁都發展得好快, 說真的...我跟不上 ~_~"

話說前幾日同小ken飯局, 傾開網頁發展先知原來有個叫"Ajax"既物體, 一聽時完全不知是啥,再傾先知原來自己一路有用開, 例如gmail, blog 就係我日日都接獨到既, 而身為一個designer, 而且用左咁耐,到今時今日先知有樣咁野...真係...唉...

再講, 當我問meco知唔知呢樣係咩既時候, 佢話已經研究中, 而且係研究一樣叫"ROR"既野(更加唔知係咩 = =")meco話ROR其中一樣技術係用到 Ajax 既, 而且ROR仲唔係間間 Hosting 公司都 support添, 而我就真係好好好好想學 Ajax, 因為我都覺得佢來緊會係大熱!

而另一件, 就係我見到雜誌報導, Mac免費提供「Boot Camp」比用戶,好讓用戶可以係 Mac 度裝 Windows XP @_@" 而小弟有一問題, 我只係知 Mac 機外型靚, OS X 型, 但....我唔明我點解要用多一倍價錢買一部 Mac 來裝 Windows 呢?? 錢多 ?? 定係有我唔知既因素 ??

我只係得出一個結論: 我無知 ^_^"

Rilakkuma 之小樹編(二)

今次係第二次, 但其實都有幾日喇, 所以有多幾幅 ^_^



一日後 :

Rilakkuma 之小樹編(一)

前o個排同小綿生街買野既時候, 見到佢好中意既小熊公仔扭蛋, 跟住我地二話不說就整左兩個返來, 係有個小盆用來種植物既, 都幾得意, 琴日第一日落種子, 估唔到今日就出左小小芽仔 @_@



圖係用我手機影既, 所以唔係好好, 但我會再繼續影住佢長大既相比大家睇下 ^^"

懶蟲再3來了

前兩日同傻仔ken出去傾野順便接綿綿走人, 但因為時間上既問題, 傾到一半我就要走人, 只得番傻仔ken繼續, 咁我送完綿綿返家之後, 好眼訓, 但都同小ken傾埋先...但傾下傾下...2點幾...第二日仲要返(小ken唔使)...當佢知我要第日返工, 佢即刻掛線 ~"~ 哇哈哈哈~~~~
咁我第二朝...咪呆下呆下囉 ~_~" 哈~~~~~

之後夜晚同綿綿阿爹食完飯, 返左屋企睇電視『死神來了』, 都幾好睇, 但綿綿話第二習仲好睇喎@_@', 咁我當然期望第三習仲好睇啦, 不過, 我今日就親自上演左『懶蟲再3來了』喇, 因為我好耐都冇試過訓多過8個鐘喇, 但今次竟然由1點倒訓到11:30先話起身(仲要係綿綿打來先起...), 計一計, 訓左十個多鐘頭 !! 可能係因為做返 design, 日日都好習中精神對住部電腦, 雖然時間小過地產, 但精神上仲累左 @_@" 但而家好精神, 呵呵呵~~~~~~~ 好耐都冇星期日訓到咁晏喇, 正~~~~

竟然係等, 竟然係咁

返左兩日新工...都係等開門...

話說我係返9:30既, 我兩日來都係9點10幾分返到去, 但係都係等開門, 一路等到9點9倒先有人返...新公司都幾過癮, 係打手指模開門o既@@" 做左咁耐野都係第一次用乍(大鄉里 = =")

通常人地返新工, 頭一兩日都唔係好多野做, 但我一返就好忙, 係咁做呀做咁, 第一日仲要OT左半個鐘倒 ~_~' 今日仲勁, 做左200幾個icon, 做到傻下傻下, 但就冇OT到, 但係咁都好既, 即係新工司有前途, 我有用啦, 哇哈哈哈~~~~ 今日本來帶左飯返公司食, 點知老細話去飲茶喎, 就係咁, 小小飯盒而家仲係形單隻影咁o係公司個雪櫃度, 聽日食囉 ~"~

今個星期六同綿綿阿爹食飯, 第一次見乍, 仲好似話十幾人...有D緊張, 但為左綿綿, 冇問題既!!!!! 見客都係咁見啦, 怕咩呀!!! (講係咁講, 但真係有D緊張, 十幾人 @_@")

紙戒指

有人傳了一編文章給我, 內容如下 :

現在，如果把愛情和麵包擺在一百個女人面前，選擇愛情的會有幾個?

一個女人和一個男人戀愛了。女人有一次看到人家手上戴的白金戒指很漂亮，就羨慕地說：「要是我也有」男人看在眼裡，可是他實在太窮，買不起好看的白金戒指。

不久，在女人過生日時，男人送給女人一個用那種透水油紙包著的(紙戒指)很別致，重重的，正在戀愛中的女人戴在手上，左看右看，就覺得自己真的好幸福。

女人後來嫁人了，新郎當然不是他。男人除了上那種沒什麼錢的班，吃飯之外，又寫一些她看也不想看的稿子。她不想嫁給他，雖然她愛他。

她嫁給了另一個有錢男人。 是的，女人結婚的時候，上從耳朵、脖子，中至雙臂，以至於腳踝，全身白金、黃金，金光閃閃，她把男人送給她的紙戒指塞到抽屜的角落裡。

可是不久之後，她那多金的老公因為家族公司出山事，陷入困境，老公也因涉及不法行賄，被逮進了牢房。女人悲從中來，忽然就憶起了送她紙戒指的男人。

一天，女人在街上不期而遇男人。男人很大方，邀女人到他家坐坐。男人也結婚，住在租來的房子。女人看到男人家裡的擺設，仍然是很清苦的樣子。

男人的妻子替女人倒茶，女人於是看到男人的妻子手上也戴著和被自己扔在抽屜角落幾乎一模一樣的紙戒指。男人的妻子離開客廳的時候，她可以感覺男人過的很幸福他的妻子也是，不像自己的一無所有，連丈夫都身陷囹圄。

後來女人在一本雜誌上看到一篇文章，題目是「紙戒指」，作者不折不扣就是他。女人看完文章後，便一切都明白了。她迅速打開抽屜，摸出了被她棄在角落裡沾滿了灰塵的紙戒指，她小心地將油紙劙開，剝著剝著，眼前出現的赫然就是一隻純純正正的白金戒指。文章裡說，為了買這隻戒指，在那個全民皆窮的年代，只好瞞著女人去賣血，因為女人的生日就迫在眉睫，去賺、去借都來不及了。女人哭了，眼淚滴在戒指上。女人隨後又將紙戒指小心翼翼地還原回去。

從此女人不論上班下班都只戴著紙戒指，同事們都讚賞她的戒指精緻又好看，有創意，問她是誰送的，女人不禁一陣黯然，說：很多東西，要等到失去了，才知道它的珍貴。

所以奉勸各位~~珍貴眼前人~~如果唔係第時後悔都黎唔切^^"


文章看完了, 有點不知怎的, 似曾相識, 但也不盡言...
以前我可能會好認同, 但現在我覺得愛情係要有, 但麵包也是要的, 總不能叫你愛的人, 愛你的人沒飯吃吧, 當然我希望我愛的人不會只看麵包(最小我現在不覺得^^), 珍惜眼前人, 這一句是最正確的了, 不論情人、家人、朋友都應該如此

跑上跑落 ~_~"

琴日朝一早起左身就度研究個Flash, 點知又整到過哂時先知要出門口, 好大在都係約左公公婆婆,阿娘佢地去旺角飲茶姐, 最後遲左三個字 一_一"

本來約左小ken今晚食飯, 點知佢突然send message話我知佢同do口角...今晚告吹(唔知佢而家點呢, 希望冇咩啦)...咁都冇咩所謂啦, 我之後打比綿綿話今晚告吹, 佢話不如而家去睇戲啦, 咁我就上觀塘車, 諗住去等佢啦, 點知上到車坐低左之後, 佢打來話都係想返屋企訓下先, 是旦啦, 咁我咪落車, 搭返屋企架小巴啦, 點知, 天恩又突然打來問我o係邊, 我話o係旺角囉, 原來佢啱啱收工, 都係旺角, 想打波喎, 咁我又落車...又同上番去觀塘架車...來來回回三轉...

之後去左淘大打波, 1勝2負 = ="
跟住返左屋企, 不久, 出去買飛同綿綿睇妖夜尋狼2, 都幾好睇, 感覺好過第一習, 冇咁亂...

琴日就係咁走來走去 :
屋企 -> 旺角 -> 上車/落車/上車 -> 淘大 -> 天恩屋企 -> 自己屋企 -> 淘大 -> 屋企

勁走大賽......

真正休息 ~"~ 呼~~~~

今日起身都好精神, 好耐冇試過喇~~~ yeah~~~~~
點知阿娘話, 今日停電冇水, 咩都做唔到添 ~_~"

哈! 都好, 可以去搵綿綿食午飯(唔知點解近來成日都好掛住佢咁 ~"~), 約左佢之後, 我就開始執屋, 之後佢打來話同雀屎文一齊食, 都好呀, 反正走o既時候都冇同佢食過, 跟住執呀執, 執到12:35分先知 @@" 死!! 我一則唔中意遲到, 二則唔想綿綿等, 只好雞咁腳跑呀跑去搭車啦, 好在, 一去到就有車, 到達!! 剛剛好 ^^" 之後返左屋企繼續執屋, 最後有兩大袋垃圾, 沬吓野咁, 仲搬返好多design既書出來, 跟住一路睇書一路等, 等到有番電, 再睇下卡通咁, 今日都真係好休閒 ^^ 呵呵呵呵~~~~

身~~~~~~~~體驗查@@"

記得好耐之前, 阿娘已經叫我去做身體驗查, 但因為o個時工作根本無時間去做, 所以一路都冇去, 就番呢幾日, 終於入左院check下, 星期二早早入去(9:00am), 諗住有好多野要做啦, 點知...個醫生成下午5點幾先到, 我之前就係咁訓同睇書, 悶死 = ="

以為醫生來會多d野做, 都唔係o既, 做得一樣野又話要等明日先有得做, 真係悶到傻, 訓又訓得唔好, 到第二朝一早, 就開始check呢樣check個樣, 做左好多野, 心諗:一早琴日做哂咪唔使咁煩囉...下次再去身體驗查, 一一一一一一一一一定要問幾時開始check, 唔係使咩咁早入院喎...

到而家返到屋企, 仲好累, 可能係d藥未散掛 ~_~"
好掛住綿羊添, 但佢要做功課, 睇怕我今晚都係唔好打擾佢太耐喇 ^^'

人試我又試,我是$ 0.00 = ="

今日先到小Ken個Blog出左段咁野:
"只要到這個網站「How Much Is My Blog Worth」，然後填上你的Blog網址, 就可以算出它價值多少錢, 價值是以什麼什麼Blog的Technorati逆向連結數目有關(我不知這是什麼, 此句很明顯是在網上抄回來的^_^)."

於是我就去試下啦, 點知... 好試唔試... 我得出結果如下

My blog is worth $0.00.
How much is your blog worth?

可怒也~~~~~~ 火_火

著數o左!!

今日係最後一日返工, 11:17am返到去1:00pm就走人, 本來係聽日o既, 事原係我地媽媽卡路話我唔好o係度放死氣, 叫我早d走, 咁又係, 我o係度都唔知有咩做, 早d走佢又好我又好啦(唔好影響其他人事氣), 但佢好好人, 佢計我大假去到16號, 即係出糧出到o個日, 哇哈哈哈~~~~ 而且唔該哂阿女, 幫我問d大假o既問題 ^^

星期二會去做 BodyCheck, Check下身體都好, 呢排咁多痛咁 = ="
原本小ken話今日去do度玩, 但我叫佢下個星期先, 因為以為今日都重要返工, 而家先知唔係, 唔通叫佢去一下子又改今日咩, 好似玩人咁, 所以冇同小ken講

綿羊今日同我一齊收工, 我本來諗住去行街街, 點知佢話要訓晏覺, 咁咪返左我屋企訓囉, 一訓就訓到而家, 要快d出去喇, 唔係又好鬼夜, 我就話唔使返姐, 佢聽日要返教會, 好早架, 早過返工 = ="

深層感受

呢幾日都訓得唔好, 擔心綿羊有冇事(病左發燒), 擔心見工見成點, 擔心之後點, 一合起雙眼個腦就唔停, 諗諗諗, 都唔知有咩咁多野諗, 但就係訓唔到, 星期二已經訓唔著, 星期三仲死, 2點幾先迫到自己訓, 但4點幾就醒左, 再迫自己訓, 6點再醒, 再訓, 7點再醒, 再訓, 8點再醒... 就係咁起左身, 但去到10點倒又眼訓, 又訓到12點幾, 約左小KenKen食飯, 要起身, 個胃又唔輸服, 食小小就好似想嘔咁, 唉...

之後3點見工, 感覺好差, 好在5點見o個份請左, 終於放下一件心頭大石, 但自知生手左, 要惡簿呀~~~
而家就好擔心綿羊, 佢病左幾日, 但又唔肯去睇醫生 = = ... 把聲都沙哂, 心痛死我, 唯有叫佢休息多d啦

我又病, 佢又病, 慘呀~~~~~

聽日要同媽媽(公司o個個)講唔做, 都唔係好知點講好, 唉...
其實佢對我都幾好, 而且而家又係用人之際, 但都冇計, 硬住頭皮上啦唯有

再接再厲@@"

今朝一早9:15去左新蒲崗, 都係見工, 今次係 Shipping Clerk, 起初都有D驚驚地, 但當見到個老細o既時候, 就咩都唔驚, 不過呢個係我既習慣, 事前會諗好多咩咩咩同咩咩咩咁, 到真係見到o既時候就咩都唔驚, 就係因為呢個性格, 我考試好, 見工好, 見客好, 都冇咩感覺... 都唔知係好定係唔好 = ="

今次見工過程都ok, 自己都幾想做, 個老闆都幾好人, 唔知點解覺得都會幾夾(人家請你先算啦...)
但就因為咁早見o既關係, 一早返左來(10:30乍整鬼佢), 咁為有早D開工啦, 晏小小想去剪頭髮, 唔知得唔得呢@@'

失敗了...

結果出來了, 果然, 人家請了另一個女士, 畢竟, 對方比我多工作經驗(做o左十幾年), 又多D野比人家睇, 都叫輸得心服...嗚...

而我就一連病o左幾日, 唔知係咪前幾日同傻仔ken佢地打邊爐, 我整得唔夠熟呢, 食完之後隔左一日就食唔到野仲想嘔, 起初以為訓下冇事, 點知第二日都係咁, 就去睇下D騙錢醫生啦, 佢話我感冒菌入腸喎@@" 咁我諗住食完藥, 第二日冇事啦, 點知第二日(即今日)起身...發燒呀整鬼佢, 又返唔到工...真係怕比人炒...唉...

仲唔止, 琴晚, 我阿麻去左, 雖然因為佢係生活o係大陸, 我好小見到佢(咁大個人可能都係廿次倒), 但係都會有D唔開心, 我爸爸就一早上左去大陸(潮州), 咁屋企得我一個, 又冇野食, 一早死下死下咁落街買野食(食完要食藥麻), 真係一波三拆, 好彩, 下午綿綿上o左來睇我, 仲買左野比我食(開心^^), 希望聽日冇咩事, 比我有個實客, 買雍雅軒就好喇!!!!!!

好緊張......

前幾日見工, 總係覺得自己機會唔大, 因為對方說:「你...太小print o既野比我睇喎...」
唉...心裏一浸, 我都知架喇, 因為自己以前離開舊工司o既時候, 無帶太多o既野走...

但其實真係好想做o個份工, 因為工作時間好o岩自己, 地點又好, 唉...
人工小少少都唔介意呀......

而家等緊消息, 好緊張 ~_~"

他鄉遇故知!?

話說昨天見到Meco,佢帶女女來東港城...睇醫生 = ="
但係我點睇佢都冇病,哈哈哈~~~

跟住我好快同佢講:「幫我搵工!」
其實我想搵份穩定Do既工,佢話做排版可以,我心諗:「好喎!」
之後講完,佢話要識QuickExpress,InDesign...睇來我都要再次學習學習喇 = ="

講開又講,唔講又講,就快新年,唔知大家有咩玩呢,
我想初四同傻仔Ken去BBQ,但就唔知佢有冇時間呢^^

上個星期公司晚宴,我地影左張全家幅,o個晚D女同事好"近" !
好多都「讓半球」! 哈哈哈~~~~ 但就冇乜影到相 ~_~"



今日係年廿八,唔知大家使唔使洗o野呢? 我諗我第一樣要洗o既係...自己 = ="
是因我一早都收拾左自己Do野,都冇咩好洗lu

係度同有睇我日記o既人講句:「恭喜發財!!!」(可能得我自己會睇~_~')

小 Pen 變大了@@"

早幾日姐姐返左香港,所以就約左佢同爸爸,同綿羊(女朋友)一齊食飯,當然唔小得女主角"小Pen"啦~~~
話說佢一來到就比我地曹醒左,所以有d小脾氣,係都要抱住佢媽咪,係一杯竹庶水之下(佢飲過一下,知好飲先肯坐,非常古惑),佢終於肯比我地食飯喇 = ="

呢D係佢o係新加坡同去之前o既相:









呢D係上之食飯o既相:







當食完飯之後,佢四維走,又鐘意自己行樓梯,比佢整到我流哂汗 = ="
而綿羊最開心o既係o係最後佢終於抱到小Pen 喇,哈哈哈~~~~~

我同綿羊都係有同一感覺,就係想快D再見到小Pen......

另:
本人在此呼籲,本人熱烈搜尋工作中,如有介紹請多多幫忙,特此通告^^