今朝一早就比老細照x光,話要點點點,唉...你估我唔佑咩,有好多野唔係我控制到,但企係佢個角度睇,佢又冇錯喎,只係佢真係幾煩,果然係我地口中O既「唐三藏」!哈哈~~~
今日再戰業主!!
同個抄家業主分析而家手上o既貨應該點走,咩價要走,點點點,琴日戰左半個鐘,今日再九個字,聽日仲要再來過! 其實...我都只係想佢同我去買「君匯港」姐,做到串燒咁就最好啦!講開又講,最近來左個新同事,佢D口音唔係好正,所以幾多笑話,出門口sell個客,佢講左「燒」個客,君匯港佢講左「軍會趕」,有時唔係想笑佢,但真係幾好笑,hee hee...
今朝睇新聞,一號銀海火燭!! 無良發展商話搵人睇過,冇損結構喎,可以照起喎,頂佢呀!
真係「燒」佢喇呢次~~ 唔通真係火燒旺地!?
人地就一手醒,二手勁!!
我地就一手零,二手靜!!
唔得!!! 我又要勁!!!!!!!!!!!
本來諗住琴日upload 小姪女D 相上來,但...又病發...又係轉個頭就無左件事...點算呀...
我係咪老人痴呆呢@@!?
3 comments:
你到左更年期了,等我介紹個醫生畀你,我睇左之後,精神又好左,人又fit左,連行步路都大步左丫~~~~
唔記得問添...
都會駅個駅字你地會點讀丫???
事緣呢個字由遠古到現代都從未在中文字典內出現過....@_@
(徹頭徹尾既日文字^_^)
另外...今日果個,佢地以後可能會改名做「一號火海」^_^
駅<---呢個字讀站,的確係日文字^^
Post a Comment