小Pen

收到姪女張相，只係幾個月人仔，實在好可愛 ^^

之後就要返新工，都唔知幾時先有時間探佢喇，
好好好好好好好想見 小小小小小小小姪女 呀呀呀呀呀呀呀呀！！

心動

話説琴日係我既考試大日子,晨咁早八點起鬼左身,跟住食個早餐,
自己都估唔到,我前晚定下o既温書大計真係實行到@@

一温就温到成2:30....
之後用左平生最快既速度出左門口(只係5分鐘),去到考試局o個邊早左半個鐘,
同我計o既時間差唔多,好,食個lunch先^^ 哇哈哈哈~~~

3:30p.m.考試時間到
去到試場,好小人,等等等,到左3:50....終於有人來...
點知又係去等候室等等等等.....等到4:10...終於可以入去正式試場...
點知...又係要等...4:20先開考...shit...

用左40分鐘倒做完,再覆一次,嗯....按完成.....等..10秒..20秒...30秒...
心跳開始加快,係呢短短幾十秒,個心就好似跑完四百米衝刺咁...
一分鐘過去..成績出來喇....登登登登~~~~
PASS!!!!!

心頭一鬆,哇哈哈哈~~~~~

之後夜晚去左細路上次話o個度食咖哩,幾得喎!!
又平,食左:牛.雞.魚.菜.三份燒薄餅.雞中亦一客.都只係162 @@
得閑都要去多次先得,hee hee ^^

心 的一天

星期三就考試....但仲未讀哂...唉......
好在仲有假，明天請假讀書，謝絕探訪!!!!

其實真係好耐都未有考過試同讀書，真係好唔慣，睇來睇去都好似唔係好入腦咁，
只好睇完又睇，溫完又溫，腦力？努力！

最慘係有Ｄ睇左都唔知佢講咩，只好死記，好在聽人講好易考，
希望努力加Ｄ好運啦 ~_~"

請多日星期六去買 shirt 呀 tie 呀咁，唉...又係錢.....

近幾年真係好唔開心.....
都唔可以咁講，係有好多唔多開心既事，但又冇咩開心既事，
唔知係唔係因為一個心裡面既人有關呢 ~_~"
心裡面就硬係......唉....
好想去旅行，邊都好，好想，好想....

我要努力！！
我要做o個6%既香港人！！！

海豚 !?

剛剛聽收音機，森美請o左 Eric Kwok 上去玩，問佢想做咩動物 :

Eric Kwok ：『海豚』
森美：『點解呀？』
Eric Kwok ：『可以成日做愛！』
森美同我：『哈哈哈∼∼∼』
Eric Kwok ：『海豚得幾樣野做，玩，食，休息，同做愛，正呀！』

正！我一向都幾中意 Eric Kwok，而家簡直係愛呀！
跟住諗起自己琴日係屋企，都係，玩，食，訓，就係欠最後一様.....
向海豚世界進發呀!!!!!!!!

嘿嘿

一個人的自由 !?

剛剛看完 KEN生 日記，見到佢原來而家一個人食飯，諗下，原來自已以前都係咁。

感覺麻，嗯~~沒什麼，只是偶然有想搵人傾又冇人講，有點無奈....
但可能我係一個吾係怪人，反而覺得幾好，可以一個人靜下，諗下，想下。
唔係唔中意同朋友一齊，反之係好需要朋友，
只係自己係一個好需要空間既人，但因為好多時身邊都有好多人，沒什麼時間會靜.....
偶爾有個私人空間，不錯

( 只要唔係夜晚就可以。點解？唔知.... )

就快轉新工，我諗好多時間會自己一個人食。
真想有空找 KEN生 吃個午飯。

剛說完喜歡獨自一人，但又想找人吃？矛盾？
倒不覺得，喜歡怎樣便怎樣，不用想太多。可能這就是我的所謂自由吧。

中毒深，係會死人架....

話說自從 IBM 老大家生了一個名叫電腦的怪胎後，後世的人們就爭相撫養，直到 BILL 老哥一代，這怪胎簡直與人類不可分割。

吾之朋友 天恩兄，作日怪胎生病，在家中吃藥無用，只好找上我門上求醫，吾自問不算大行家，但本著醫者父母心，只好盡力一試，一問之下，原來是食物中毒，怪胎一醒即睡，好在吾之手上剛巧有藥，本以為服藥後會藥到病除，但病情未有好轉，再細問之下，原來怪胎是服了 視窗SP2 此食物才開始生了病，心想 : 竟有此事 @@!? 之後天恩朋友重新幫怪胎洗身一次，再以 SP1 救之，誰不知就中了此毒了........

最後，再上 視窗 之 自動服藥庫，弄了一個多小時，怪胎有起色了!!!

後記：
標題死的人不是怪胎，是吾.........吾眼訓情度達九級，手術完成時已十二時半有多，回家後，整東弄西，又二時多才能睡......
今天早上不想起床，更有點頭痛......命不久已......

殺人! 出冊 !?

今日去左 hair cut，諗住短小小啦，點知.....而家有d出冊 feel = ="
好在，都仲 ok，只係唔係自己心諗咁姐，哈哈~~~~

自己由細到大頭髮都好快長，所以都冇擔心過，反而係松鼠班野，
『 而!!你出冊呀!! 咁睇唔開呀? 』 = =
好朋友....係真係用來出賣架 !!!

本來諗住去食上海野，點知行過殺人舖頭，大家就話『不如.....』，就係咁，
我地就入左去，殺左人地四個仔喇，罪過，罪過.......

老人痴呆?

今日諗住去拿番套西裝，所以著左件 shirt 襯番對皮鞋去試下，點知 . . .
原來今日係 16 號，一路以為係 17 =.="
聽日先有得拿....只好打電話去睇下有冇得拿啦，又一次教訓 . . .
但係講真，點會以為今日係 17 號既呢，真係諗極都唔明 ?_? (老人痴呆?)

神之一手

好眼訓....真係好眼訓.....

琴日本來諗住食飯拿書返去溫，點知書就拿唔到......去鬼左打牌
果然拿唔到 "書" !! 哈哈 !!

食左
自摸十三么 !!!
對對糊混一色小三元!!!
糊混一色小三元!!!

自己都覺得強呀~~~~~~~~~~ 但係....成五點幾先訓，仲要錢都未有得收

SHIT. ~"~

未見官先打八十 . . .

因為就快轉工，琴日去左買套西裝......工都未返，就洗左 $1300
心都痛呀....

努力，努力，努力呀!!!!!!!!