Wednesday, April 19, 2006

無知

連日來睇左幾樣野, 發覺而家電腦或是網頁都發展得好快, 說真的...我跟不上 ~_~"

話說前幾日同小ken飯局, 傾開網頁發展先知原來有個叫"Ajax"既物體, 一聽時完全不知是啥,再傾先知原來自己一路有用開, 例如gmail, blog 就係我日日都接獨到既, 而身為一個designer, 而且用左咁耐,到今時今日先知有樣咁野...真係...唉...

再講, 當我問meco知唔知呢樣係咩既時候, 佢話已經研究中, 而且係研究一樣叫"ROR"既野(更加唔知係咩 = =")meco話ROR其中一樣技術係用到 Ajax 既, 而且ROR仲唔係間間 Hosting 公司都 support添, 而我就真係好好好好想學 Ajax, 因為我都覺得佢來緊會係大熱!

而另一件, 就係我見到雜誌報導, Mac免費提供「Boot Camp」比用戶,好讓用戶可以係 Mac 度裝 Windows XP @_@" 而小弟有一問題, 我只係知 Mac 機外型靚, OS X 型, 但....我唔明我點解要用多一倍價錢買一部 Mac 來裝 Windows 呢?? 錢多 ?? 定係有我唔知既因素 ??

我只係得出一個結論: 我無知 ^_^"

Monday, April 03, 2006

Rilakkuma 之小樹編(二)

今次係第二次, 但其實都有幾日喇, 所以有多幾幅 ^_^



一日後 :

Thursday, March 30, 2006

Rilakkuma 之小樹編(一)

前o個排同小綿生街買野既時候, 見到佢好中意既小熊公仔扭蛋, 跟住我地二話不說就整左兩個返來, 係有個小盆用來種植物既, 都幾得意, 琴日第一日落種子, 估唔到今日就出左小小芽仔 @_@



圖係用我手機影既, 所以唔係好好, 但我會再繼續影住佢長大既相比大家睇下 ^^"

Sunday, March 26, 2006

懶蟲再3來了

前兩日同傻仔ken出去傾野順便接綿綿走人, 但因為時間上既問題, 傾到一半我就要走人, 只得番傻仔ken繼續, 咁我送完綿綿返家之後, 好眼訓, 但都同小ken傾埋先...但傾下傾下...2點幾...第二日仲要返(小ken唔使)...當佢知我要第日返工, 佢即刻掛線 ~"~ 哇哈哈哈~~~~
咁我第二朝...咪呆下呆下囉 ~_~" 哈~~~~~

之後夜晚同綿綿阿爹食完飯, 返左屋企睇電視『死神來了』, 都幾好睇, 但綿綿話第二習仲好睇喎@_@', 咁我當然期望第三習仲好睇啦, 不過, 我今日就親自上演左『懶蟲再3來了』喇, 因為我好耐都冇試過訓多過8個鐘喇, 但今次竟然由1點倒訓到11:30先話起身(仲要係綿綿打來先起...), 計一計, 訓左十個多鐘頭 !! 可能係因為做返 design, 日日都好習中精神對住部電腦, 雖然時間小過地產, 但精神上仲累左 @_@" 但而家好精神, 呵呵呵~~~~~~~ 好耐都冇星期日訓到咁晏喇, 正~~~~

Tuesday, March 21, 2006

竟然係等, 竟然係咁

返左兩日新工...都係等開門...

話說我係返9:30既, 我兩日來都係9點10幾分返到去, 但係都係等開門, 一路等到9點9倒先有人返...新公司都幾過癮, 係打手指模開門o既@@" 做左咁耐野都係第一次用乍(大鄉里 = =")

通常人地返新工, 頭一兩日都唔係好多野做, 但我一返就好忙, 係咁做呀做咁, 第一日仲要OT左半個鐘倒 ~_~' 今日仲勁, 做左200幾個icon, 做到傻下傻下, 但就冇OT到, 但係咁都好既, 即係新工司有前途, 我有用啦, 哇哈哈哈~~~~ 今日本來帶左飯返公司食, 點知老細話去飲茶喎, 就係咁, 小小飯盒而家仲係形單隻影咁o係公司個雪櫃度, 聽日食囉 ~"~

今個星期六同綿綿阿爹食飯, 第一次見乍, 仲好似話十幾人...有D緊張, 但為左綿綿, 冇問題既!!!!! 見客都係咁見啦, 怕咩呀!!! (講係咁講, 但真係有D緊張, 十幾人 @_@")

紙戒指

有人傳了一編文章給我, 內容如下 :

現在,如果把愛情和麵包擺在一百個女人面前,選擇愛情的會有幾個?

一個女人和一個男人戀愛了。女人有一次看到人家手上戴的白金戒指很漂亮,就羨慕地說:「要是我也有」男人看在眼裡,可是他實在太窮,買不起好看的白金戒指。

不久,在女人過生日時,男人送給女人一個用那種透水油紙包著的(紙戒指)很別致,重重的,正在戀愛中的女人戴在手上,左看右看,就覺得自己真的好幸福。

女人後來嫁人了,新郎當然不是他。男人除了上那種沒什麼錢的班,吃飯之外,又寫一些她看也不想看的稿子。她不想嫁給他,雖然她愛他。

她嫁給了另一個有錢男人。 是的,女人結婚的時候,上從耳朵、脖子,中至雙臂,以至於腳踝,全身白金、黃金,金光閃閃,她把男人送給她的紙戒指塞到抽屜的角落裡。

可是不久之後,她那多金的老公因為家族公司出山事,陷入困境,老公也因涉及不法行賄,被逮進了牢房。女人悲從中來,忽然就憶起了送她紙戒指的男人。

一天,女人在街上不期而遇男人。男人很大方,邀女人到他家坐坐。男人也結婚,住在租來的房子。女人看到男人家裡的擺設,仍然是很清苦的樣子。

男人的妻子替女人倒茶,女人於是看到男人的妻子手上也戴著和被自己扔在抽屜角落幾乎一模一樣的紙戒指。男人的妻子離開客廳的時候,她可以感覺男人過的很幸福他的妻子也是,不像自己的一無所有,連丈夫都身陷囹圄。

後來女人在一本雜誌上看到一篇文章,題目是「紙戒指」,作者不折不扣就是他。女人看完文章後,便一切都明白了。她迅速打開抽屜,摸出了被她棄在角落裡沾滿了灰塵的紙戒指,她小心地將油紙劙開,剝著剝著,眼前出現的赫然就是一隻純純正正的白金戒指。文章裡說,為了買這隻戒指,在那個全民皆窮的年代,只好瞞著女人去賣血,因為女人的生日就迫在眉睫,去賺、去借都來不及了。女人哭了,眼淚滴在戒指上。女人隨後又將紙戒指小心翼翼地還原回去。

從此女人不論上班下班都只戴著紙戒指,同事們都讚賞她的戒指精緻又好看,有創意,問她是誰送的,女人不禁一陣黯然,說:很多東西,要等到失去了,才知道它的珍貴。

所以奉勸各位~~珍貴眼前人~~如果唔係第時後悔都黎唔切^^"


文章看完了, 有點不知怎的, 似曾相識, 但也不盡言...
以前我可能會好認同, 但現在我覺得愛情係要有, 但麵包也是要的, 總不能叫你愛的人, 愛你的人沒飯吃吧, 當然我希望我愛的人不會只看麵包(最小我現在不覺得^^), 珍惜眼前人, 這一句是最正確的了, 不論情人、家人、朋友都應該如此

Sunday, March 19, 2006

跑上跑落 ~_~"

琴日朝一早起左身就度研究個Flash, 點知又整到過哂時先知要出門口, 好大在都係約左公公婆婆,阿娘佢地去旺角飲茶姐, 最後遲左三個字 一_一"

本來約左小ken今晚食飯, 點知佢突然send message話我知佢同do口角...今晚告吹(唔知佢而家點呢, 希望冇咩啦)...咁都冇咩所謂啦, 我之後打比綿綿話今晚告吹, 佢話不如而家去睇戲啦, 咁我就上觀塘車, 諗住去等佢啦, 點知上到車坐低左之後, 佢打來話都係想返屋企訓下先, 是旦啦, 咁我咪落車, 搭返屋企架小巴啦, 點知, 天恩又突然打來問我o係邊, 我話o係旺角囉, 原來佢啱啱收工, 都係旺角, 想打波喎, 咁我又落車...又同上番去觀塘架車...來來回回三轉...

之後去左淘大打波, 1勝2負 = ="
跟住返左屋企, 不久, 出去買飛同綿綿睇妖夜尋狼2, 都幾好睇, 感覺好過第一習, 冇咁亂...

琴日就係咁走來走去 :
屋企 -> 旺角 -> 上車/落車/上車 -> 淘大 -> 天恩屋企 -> 自己屋企 -> 淘大 -> 屋企

勁走大賽......

Thursday, March 16, 2006

真正休息 ~"~ 呼~~~~

今日起身都好精神, 好耐冇試過喇~~~ yeah~~~~~
點知阿娘話, 今日停電冇水, 咩都做唔到添 ~_~"

哈! 都好, 可以去搵綿綿食午飯(唔知點解近來成日都好掛住佢咁 ~"~), 約左佢之後, 我就開始執屋, 之後佢打來話同雀屎文一齊食, 都好呀, 反正走o既時候都冇同佢食過, 跟住執呀執, 執到12:35分先知 @@" 死!! 我一則唔中意遲到, 二則唔想綿綿等, 只好雞咁腳跑呀跑去搭車啦, 好在, 一去到就有車, 到達!! 剛剛好 ^^" 之後返左屋企繼續執屋, 最後有兩大袋垃圾, 沬吓野咁, 仲搬返好多design既書出來, 跟住一路睇書一路等, 等到有番電, 再睇下卡通咁, 今日都真係好休閒 ^^ 呵呵呵呵~~~~

Wednesday, March 15, 2006

身~~~~~~~~體驗查@@"

記得好耐之前, 阿娘已經叫我去做身體驗查, 但因為o個時工作根本無時間去做, 所以一路都冇去, 就番呢幾日, 終於入左院check下, 星期二早早入去(9:00am), 諗住有好多野要做啦, 點知...個醫生成下午5點幾先到, 我之前就係咁訓同睇書, 悶死 = ="

以為醫生來會多d野做, 都唔係o既, 做得一樣野又話要等明日先有得做, 真係悶到傻, 訓又訓得唔好, 到第二朝一早, 就開始check呢樣check個樣, 做左好多野, 心諗:一早琴日做哂咪唔使咁煩囉...下次再去身體驗查, 一一一一一一一一一定要問幾時開始check, 唔係使咩咁早入院喎...

到而家返到屋企, 仲好累, 可能係d藥未散掛 ~_~"
好掛住綿羊添, 但佢要做功課, 睇怕我今晚都係唔好打擾佢太耐喇 ^^'

Sunday, March 12, 2006

人試我又試,我是$ 0.00 = ="

今日先到小Ken個Blog出左段咁野:
"只要到這個網站「How Much Is My Blog Worth」,然後填上你的Blog網址, 就可以算出它價值多少錢, 價值是以什麼什麼Blog的Technorati逆向連結數目有關(我不知這是什麼, 此句很明顯是在網上抄回來的^_^)."

於是我就去試下啦, 點知... 好試唔試... 我得出結果如下



可怒也~~~~~~ 火_火

Saturday, March 11, 2006

著數o左!!

今日係最後一日返工, 11:17am返到去1:00pm就走人, 本來係聽日o既, 事原係我地媽媽卡路話我唔好o係度放死氣, 叫我早d走, 咁又係, 我o係度都唔知有咩做, 早d走佢又好我又好啦(唔好影響其他人事氣), 但佢好好人, 佢計我大假去到16號, 即係出糧出到o個日, 哇哈哈哈~~~~ 而且唔該哂阿女, 幫我問d大假o既問題 ^^

星期二會去做 BodyCheck, Check下身體都好, 呢排咁多痛咁 = ="
原本小ken話今日去do度玩, 但我叫佢下個星期先, 因為以為今日都重要返工, 而家先知唔係, 唔通叫佢去一下子又改今日咩, 好似玩人咁, 所以冇同小ken講

綿羊今日同我一齊收工, 我本來諗住去行街街, 點知佢話要訓晏覺, 咁咪返左我屋企訓囉, 一訓就訓到而家, 要快d出去喇, 唔係又好鬼夜, 我就話唔使返姐, 佢聽日要返教會, 好早架, 早過返工 = ="

Thursday, March 09, 2006

深層感受

呢幾日都訓得唔好, 擔心綿羊有冇事(病左發燒), 擔心見工見成點, 擔心之後點, 一合起雙眼個腦就唔停, 諗諗諗, 都唔知有咩咁多野諗, 但就係訓唔到, 星期二已經訓唔著, 星期三仲死, 2點幾先迫到自己訓, 但4點幾就醒左, 再迫自己訓, 6點再醒, 再訓, 7點再醒, 再訓, 8點再醒... 就係咁起左身, 但去到10點倒又眼訓, 又訓到12點幾, 約左小KenKen食飯, 要起身, 個胃又唔輸服, 食小小就好似想嘔咁, 唉...

之後3點見工, 感覺好差, 好在5點見o個份請左, 終於放下一件心頭大石, 但自知生手左, 要惡簿呀~~~
而家就好擔心綿羊, 佢病左幾日, 但又唔肯去睇醫生 = = ... 把聲都沙哂, 心痛死我, 唯有叫佢休息多d啦

我又病, 佢又病, 慘呀~~~~~

聽日要同媽媽(公司o個個)講唔做, 都唔係好知點講好, 唉...
其實佢對我都幾好, 而且而家又係用人之際, 但都冇計, 硬住頭皮上啦唯有

Monday, March 06, 2006

再接再厲@@"

今朝一早9:15去左新蒲崗, 都係見工, 今次係 Shipping Clerk, 起初都有D驚驚地, 但當見到個老細o既時候, 就咩都唔驚, 不過呢個係我既習慣, 事前會諗好多咩咩咩同咩咩咩咁, 到真係見到o既時候就咩都唔驚, 就係因為呢個性格, 我考試好, 見工好, 見客好, 都冇咩感覺... 都唔知係好定係唔好 = ="

今次見工過程都ok, 自己都幾想做, 個老闆都幾好人, 唔知點解覺得都會幾夾(人家請你先算啦...)
但就因為咁早見o既關係, 一早返左來(10:30乍整鬼佢), 咁為有早D開工啦, 晏小小想去剪頭髮, 唔知得唔得呢@@'

Saturday, March 04, 2006

失敗了...

結果出來了, 果然, 人家請了另一個女士, 畢竟, 對方比我多工作經驗(做o左十幾年), 又多D野比人家睇, 都叫輸得心服...嗚...

而我就一連病o左幾日, 唔知係咪前幾日同傻仔ken佢地打邊爐, 我整得唔夠熟呢, 食完之後隔左一日就食唔到野仲想嘔, 起初以為訓下冇事, 點知第二日都係咁, 就去睇下D騙錢醫生啦, 佢話我感冒菌入腸喎@@" 咁我諗住食完藥, 第二日冇事啦, 點知第二日(即今日)起身...發燒呀整鬼佢, 又返唔到工...真係怕比人炒...唉...

仲唔止, 琴晚, 我阿麻去左, 雖然因為佢係生活o係大陸, 我好小見到佢(咁大個人可能都係廿次倒), 但係都會有D唔開心, 我爸爸就一早上左去大陸(潮州), 咁屋企得我一個, 又冇野食, 一早死下死下咁落街買野食(食完要食藥麻), 真係一波三拆, 好彩, 下午綿綿上o左來睇我, 仲買左野比我食(開心^^), 希望聽日冇咩事, 比我有個實客, 買雍雅軒就好喇!!!!!!

Monday, February 27, 2006

好緊張......

前幾日見工, 總係覺得自己機會唔大, 因為對方說:「你...太小print o既野比我睇喎...」
唉...心裏一浸, 我都知架喇, 因為自己以前離開舊工司o既時候, 無帶太多o既野走...

但其實真係好想做o個份工, 因為工作時間好o岩自己, 地點又好, 唉...
人工小少少都唔介意呀......

而家等緊消息, 好緊張 ~_~"

Friday, January 27, 2006

他鄉遇故知!?

話說昨天見到Meco,佢帶女女來東港城...睇醫生 = ="
但係我點睇佢都冇病,哈哈哈~~~

跟住我好快同佢講:「幫我搵工!」
其實我想搵份穩定Do既工,佢話做排版可以,我心諗:「好喎!」
之後講完,佢話要識QuickExpress,InDesign...睇來我都要再次學習學習喇 = ="

講開又講,唔講又講,就快新年,唔知大家有咩玩呢,
我想初四同傻仔Ken去BBQ,但就唔知佢有冇時間呢^^

上個星期公司晚宴,我地影左張全家幅,o個晚D女同事好"近" !
好多都「讓半球」! 哈哈哈~~~~ 但就冇乜影到相 ~_~"



今日係年廿八,唔知大家使唔使洗o野呢? 我諗我第一樣要洗o既係...自己 = ="
是因我一早都收拾左自己Do野,都冇咩好洗lu

係度同有睇我日記o既人講句:「恭喜發財!!!」(可能得我自己會睇~_~')

Tuesday, January 24, 2006

小 Pen 變大了@@"

早幾日姐姐返左香港,所以就約左佢同爸爸,同綿羊(女朋友)一齊食飯,當然唔小得女主角"小Pen"啦~~~
話說佢一來到就比我地曹醒左,所以有d小脾氣,係都要抱住佢媽咪,係一杯竹庶水之下(佢飲過一下,知好飲先肯坐,非常古惑),佢終於肯比我地食飯喇 = ="

呢D係佢o係新加坡同去之前o既相:









呢D係上之食飯o既相:







當食完飯之後,佢四維走,又鐘意自己行樓梯,比佢整到我流哂汗 = ="
而綿羊最開心o既係o係最後佢終於抱到小Pen 喇,哈哈哈~~~~~

我同綿羊都係有同一感覺,就係想快D再見到小Pen......

另:
本人在此呼籲,本人熱烈搜尋工作中,如有介紹請多多幫忙,特此通告^^

Sunday, October 30, 2005

唐佰苦.....

嘩哈哈哈~~~
傾到牙血都出,終於簽左,雖然係合作,仲要得萬七蚊數...但唔知點解幾開心^^
以前都冇呢種感覺,成千萬都做過,十幾萬數一單又有過,但都無咩感覺,反而做完呢單有喎@@"
我諗係因為全程一手一腳做掛,以前總會有人幫手,寫下合約都有,但呢次真係全程自己做(其實解合約都有人傍住= ="),錢收小小,成功感大大!! 一句講哂~~~勁!!

聽日又話哈囉喂,其實我年年都想去海洋公園哈囉喂玩下,但唔通一個人去咩...今年..以為....可惜....原來France唔鐘意去呢d地方...不過諗深一層,算啦,兩個人一齊最緊要開心,如果出到去玩,佢唔開心,咁去來做咩@@!? 況且後來約左佢個小小編劇朋友傾野,所謂正事要緊,好在無買飛姐! 但真係想玩下...嗚~~~~

講開又講,聽日o既話題係要我講地產o既野,都唔知點講同講咩好 = ="
苦.......

Wednesday, October 26, 2005

軍會趕@@"

今朝一早就比老細照x光,話要點點點,唉...你估我唔佑咩,有好多野唔係我控制到,但企係佢個角度睇,佢又冇錯喎,只係佢真係幾煩,果然係我地口中O既「唐三藏」!哈哈~~~

今日再戰業主!!
同個抄家業主分析而家手上o既貨應該點走,咩價要走,點點點,琴日戰左半個鐘,今日再九個字,聽日仲要再來過! 其實...我都只係想佢同我去買「君匯港」姐,做到串燒咁就最好啦!講開又講,最近來左個新同事,佢D口音唔係好正,所以幾多笑話,出門口sell個客,佢講左「燒」個客,君匯港佢講左「軍會趕」,有時唔係想笑佢,但真係幾好笑,hee hee...
今朝睇新聞,一號銀海火燭!! 無良發展商話搵人睇過,冇損結構喎,可以照起喎,頂佢呀!
真係「燒」佢喇呢次~~ 唔通真係火燒旺地!?

人地就一手醒,二手勁!!
我地就一手零,二手靜!!
唔得!!! 我又要勁!!!!!!!!!!!

本來諗住琴日upload 小姪女D 相上來,但...又病發...又係轉個頭就無左件事...點算呀...
我係咪老人痴呆呢@@!?

Saturday, October 22, 2005

專注力失調???

都好耐冇寫,好似好難下筆咁...

最近屋企發生o左好多事,公公又話照到有小小黑影,鵝姨又話腦出血入院....唉...
好在所有人都冇事^_^

最近生意真係好似好難做咁,可能自己真係唔慣做一手掛(咁都有得賴,哈...=.=")
而家一手當道,仲好奇怪添,比高佣,出佣快!「清貨大減價,要錢唔要貨!!!」
一手個勢最多去到下年年中,之後會牛皮,回返小小,再由二手帶動樓市.......
「大廢話一堆,睇下下年中唔中先@_@"」

好彩,都唔係只係有唔開心既野,最近識o左個女仔,自己覺得好好,好開心! ^^
雖然追左好耐(係我咁耐以來最耐一個...),但都覺得好值得^^

最近睇o左編文章,講到原來有個病叫「專注力失調症」,我係度諗,我成日都唔記得d 野,
明明諗住去做既野,轉頭又唔記得,好似好難集中咁,死啦,唔通我有病.......